༄༅། །བོད་ལྗོངས་ལྷ་མི་ཡོངས་ཀྱིས་དད་མོས་རྩེ་གཅིག་གིས་ལུགས་གཉིས་ཀྱི་འདྲེན་པ་མཆོག་ཏུ་མངའ་གསོལ་བ། ཐམས་ཅད་མཁྱེན་པ་རྡོ་རྗེ་འཆང་རྒྱ་མཚོའི་བླ་མ་ཆེན་པོའི་ཕྱག་ཐམ།

སེམས་འཚོར་དམར་པོ།

སེམས་འཚོར་དམར་པོ།
འདས་པའི་ལོ་ཟླ་སྐད་གཅིག་སྐད་ཅིག་གིས་བུད་ཐལ།།ད་ལྟའི་ཉིན་ཞག་ག་ལེ་ག་ལེ་ལ་འགྲོ་གིན།།མ་འོངས་ནམ་ཟླ་རིམ་གྱིས་རིམ་གྱིས་རང་འཛད་ནས།།མི་རྟག་སྒྱུ་མའི་རང་གཤིས་མི་ཚེ་འདི་རྫོགས་འགྲོ།།ཆུང་དུས་རྩེད་ར་འགྲིམས་པའི་སྤྲོ་སྣང་དེ་མ་ཐོབ།།གཞོན་དུས་ཆུང་མ་བསུས་ནས་ཁྱིམ་གཞིས་ཀྱང་མ་བཟུང༌།།རྒས་དུས་རེ་ལྟོས་བཅོལ་ས་བུ་ཚ་ཞིག་མེད་པར།།མི་རྟག་སྒྱུ་མའི་ལུས་འདི་རྨི་ལམ་བཞིན་རྫོགས་སོང༌།།ཆུང་དུས་ཐོས་པ་བསགས་པའི་སློབ་སྦྱོང་གི་འབྲས་བུ།།སྒོམ་ནས་རྒྱུད་ལ་སྦྱར་བའི་ཉམས་ལེན་ཙམ་མེད་པར།།ཁ་བཤད་ཆུ་ཡི་ལྦུ་བས་དུས་ཚོད་ཀུན་བསྐྱལ་ནས།།མི་རྟག་སྒྱུ་མའི་ལུས་འདི་སྟོང་པ་རང་ཆགས་སོང༌།།

ཟིན་བྲིས་རྣམས་གྲངས།

དྲང་སྲོང་རྒན་པོའི་ལྟ་གྲུབ།

ཆར་དང་ཉི་ཟེར་འཐབ་པའི་དབྱར་གཞུང་ན།།སྣ་ལྔའི་ཁ་དོག་འཁྱིལ་བའི་འཇའ་རིས་སྣེ།།སུ་དང་གང་གིས་འཇུ་ཡང་མི་ཟིན་པ།།བདེན་པའི་གནས་ལུགས་བསྟན་པའི་མཚོན་གཞི་ཞིག།
ཁ་རྩངས་གྲང་ལྷག་འཐབ་ནས་ཁ་བ་འབབ།།དེ་རིང་གཡའ་དག་མཁའ་ནས་ཉི་གཞོན་འཛུམ།།གནམ་སའི་གཤིས་ལུགས་ངེས་མེད་འགྱུར་བ་འདི།།འདུས་བྱས་མི་རྟག་མཚོན་པའི་དཔང་རྟགས་ཤིག།
འཕར་སྤྱང་ཝ་མོ་ཚོགས་པའི་དུར་ཁྲོད་དུ།།རྣམ་ཤེས་རླུང་གིས་ཁྱེར་བའི་མཛེས་མའི་ལུས།།གོས་མེད་གཅེར་བུར་ལུས་པའི་མགྲོན་སྟོན་འདིས།།དྲང་སྲོང་རྒན་པོའི་ཞལ་ལ་བདེན་ཁ་སྦྱིན།།
བྱང་ཐང་བྱེ་མ་སྤུངས་པའི་ཇག་ལམ་ན།།མི་བསད་རྟ་སྒྲིལ་བྱེད་པའི་ཇག་ཚོགས་ཚོ།།ནག་ཅན་མི་ཡི་གྲལ་མཐར་བརྩི་ན་ཡང༌།།གསལ་རིག་སེམས་ཀྱི་འོད་སྣང་མཉམ་པ་ཉིད།།
གཡོ་ཅན་ཁོང་འཛུམ་འཆོར་བའི་དགོད་སྒྲ་ཡིས།།ཅོལ་ཆུང་སྙིང་ལ་དགའ་བའི་མིག་འཕྲུལ་འདི།།སྲིད་མཚོར་དགའ་ཚལ་འཛིན་པའི་བྱིས་པ་ཚོའི།།སེམས་ཀྱི་ཚོར་རིས་མཚོན་པའི་སྣང་བསྙན་ཞིག།
2007/3/26/བྲིས།

གདུང་བའི་སྨྲེ་ངག


གཉིད་ནི་རྨོངས་དང་འཐོམ་པའི་ཆ་ལག་ཕྱིར།།སུ་དང་གང་གིས་བསྟོད་པ་མི་བྱེད་མོད།།རྨི་ལམ་གྲོང་ཁྱེར་འགྲིམས་པའི་ལྟད་མོ་ལ།།གཟིགས་ན་གཉིད་ལ་མི་བསྟེན་མཐུ་མེད་ཡིན།།ངོས་འཛིན་གཏོད་སོ་མེད་པའི་བར་སྣང་གི།།མཛེས་མཚོན་ཁ་དོག་བཀྲ་བའི་འཇའ་རིས་སྣེ།།འཁྲུལ་སྣང་ཨ་ཐས་ཟབ་པའི་བོད་རྒན་ཚོས།།རེ་བས་ཤི་འཐམ་བྱས་པའི་རྨི་ལམ་རིང༌།།གཞན་འཚང་སྔོག་པའི་ཕག་གི་མཆུ་ཏོ་ལ།།རང་འཚང་སྐྱག་པ་འགོས་པའི་དྲི་ངན་གྱིས།།དངོས་དོན་བདེན་པའི་དྲི་བསུང་འཐུལ་བ་ལ།།ཕན་པའི་རེ་བ་བཅོལ་པའི་འཁྲུལ་སྣང་ཟབ།།ཟླ་འོད་མུན་པས་ཟོས་པའི་མཚན་མོ་ན།།ནག་ཅན་རྐུན་མའི་གྲིབ་གཟུགས་མ་མཐོང་བར།།འབ་སྒྲས་གནམ་ས་དབྲལ་བའི་ཁྱི་རྒན་ལ།།རེ་བའི་བློ་གཏོད་བྱས་པའི་ལྷ་སྒྲུང་སྙན།།སྤང་རྒྱན་མེ་ཏོག་བཀྲ་བའི་གླིང་ཁ་ན།།ཕྱེ་མ་ལེབ་ཀྱིས་འཕུར་ལྡིང་རྩེན་པའི་རྗེས།།བསམ་མེད་བྱིས་པ་རྒྱུག་པའི་རྡོག་སྣེ་ནས།།གཡང་སའི་རྡོ་ལ་བརྡབས་པའི་ངུ་རྒྱངས་ཐོས།།ཁ་བ་ལྷབ་ལྷུབ་འབབ་པའི་དགུན་གཞུང་དུ།།འཁྱགས་པས་ས་གཞི་བསྡམས་པའི་སྲུབ་ཀ་ནས།།ལྗང་མདོག་མྱུ་གུ་འབུས་པའི་རེ་བ་འདིས།།མེས་པོའི་སྙིང་ལ་འཇའ་ཡི་ཁང་བཟང་བསྐྲུན།།བསམ་གཞིགས་འཁྱགས་ལ་འབྱར་བའི་གྲང་ལྷག་གསེབ།།རྣམ་རྟོག་བུ་ཡུག་འཚུབ་པའི་དུར་ཁྲོད་ན།།ཕ་མེས་སྟོང་གི་རྣམ་ཤེས་ཐིམ་པའི་ཤུལ།།རེ་བའི་ལྷག་མ་འཇགས་རྩྭ་སྐམ་པོ་ཙམ།། ༢༠༠༧.༣.༢༠ ལ་བྲིས།

ཕྱིར་དྲན།

རི་རྩེ་ཁ་བས་ཉིན་རེ་ཉིན་རེར་བསྟིམས།།ནགས་ཀྱི་ཤིང་ལོ་རིམ་གྱིས་རིམ་གྱིས་ལྷུང༌།།ད་ནི་ཁོར་ཡུག་མཛེས་པའི་རྣམ་ཤེས་འདིའང༌།།དགུན་འཁྱགས་ལྷགས་པའི་རུམ་དུ་འབྱར་བར་ངེས།།ད་ནངས་བྱེ་འུའི་གསུང་སྙན་མ་ཐོས་གོང༌།།ཞོགས་རླུང་བསིལ་མོས་ཕྲ་ཡོལ་ཁད་ཀྱིས་ཕྱེས།།མགོ་བོ་སྔས་ལ་འབྱར་བའི་རྨི་ལམ་ཡང༌།།གཟུགས་མེད་རླུང་བུ་ལྡང་བས་ཧད་ཀྱིས་དཀྲོགས།།དབྱར་དགུན་སྟོན་དཔྱིད་ཤོག་ལྷེ་བསྒྱུར་བ་བཞིན།།དུས་བཞི་ཤུགས་ཀྱིས་ལོ་ཡི་འཁོར་ལོ་བསྐོར།།མི་ལོ་བཅུ་བདུན་ས་མཐར་དལ་གྱིས་རྫོགས།།དྲན་ཤེས་བསྣོལ་མས་སེམས་ཀྱི་ཚོར་འདུ་བཀྲུགས།།ལྟེ་ཁྲག་གང་དུ་འཕོས་པའི་ཕ་ཡུལ་དང༌།།བྱམས་བརྩེ་དྲིན་གྱིས་བསྐྱངས་པའི་ཕ་མ་ཟུང༌།།ཤ་ཁྲག་གཅིག་པའི་སྤུན་ཉེ་གྲོགས་པོ་སོགས།།རི་ཁྲི་ཆུ་སྟོང་བརྒལ་བའི་ཕ་རོལ་ལུས།།མི་ཡུལ་འཁྱམས་པ་མི་ཡི་ལས་དབང་སྟེ།།ལྷ་ཡུལ་སླེབས་པའི་རེ་བ་བདག་ལ་མེད།།རང་ལུས་རང་ལ་དབང་བའི་ལས་དབང་ཞིག།མི་མངོན་གནམ་གྱི་དབྱིངས་ནས་གནང་རོགས་གྱིས།།
Powered by Blogger.

འཁྲུལ་སྣང༌།


ཡ་ཀི་རྩ་གསུམ་ལྷ་ཡུལ་མན་ཆད་ནས།།མ་ཀི་རྡོ་རྗེའི་དམྱལ་ཁམས་ཡན་ཆད་ན།།བྱ་བྱེད་བསྣོལ་མ་འཐབ་པའི་འཁྲུལ་སྣང་འདི།།སྒྱུ་རྩལ་སྙན་ངག་སྨྲ་བའི་ལྟད་མོ་ཞིག།
ཕ་རྒན་མུ་གེས་ཤི་བའི་དུར་ས་ན།།བུ་རྒྱུད་ཕྱུག་པོས་ཐུགས་སྤྲོ་བཏང་བྱས་ཏེ།།རྒྱ་ཟས་ལེའུ་བཅོ་བརྒྱད་བསྒྲིགས་པ་ཡིས།།རྣམ་ཤེས་འཁྱམས་པོ་འགུག་པའི་མགྲོན་བརྡར་སྨྲ།།
མ་རྒན་ཆང་སར་ཆས་པའི་རྟེན་འབྲེལ་ཐོག།བུ་མོས་བྲོ་གར་ཁྲབ་པའི་གླུ་གཞས་ཀྱིས།།ཆང་དང་སྦི་རག་མཆོད་པའི་སྐུ་མགྲོན་ཚོར།།སེམས་ཁམས་རླུང་གིས་བཀྱགས་པའི་འཁྲུལ་སྣང་སྟེར།།
ཡོད་ཚད་མཇེ་ཡིས་ཕུང་པའི་སྔགས་རྒན་དང༌།།དད་རྫས་སྟུ་རིན་སྤྲོད་པའི་གྲུབ་རྫུན་གཉིས།།རྨོངས་དད་བྲག་གི་བཙན་རྫོང་བརྩེགས་པའི་ནང༌།།བག་མེད་ཤ་ཆང་རོལ་བའི་འཁོར་ཚོགས་རྒྱས།།
སྔགས་ནག་གཅོད་པས་ལྷ་འདྲེ་གཡབ་མོ་བྱེད།།བསམ་མེད་བྱིས་པས་ཁྱི་སྨྱོན་རྡོ་ཡིས་རྡུང༌།།རྙོག་འཛིང་གཡབ་མོ་བྱེད་སའི་གྲུ་ག་འདིར།།ལྷིང་འཇགས་རེ་བ་མཚན་མོའི་རྨི་ལམ་ཙམ།།

སེམས་ཚོར་དམར་པོ།

རི་སུལ་ཁ་བས་བསྟིམས་པའི་ལྷག་རླུང་གསེབ།།རྣམ་ཤེས་རླུང་དང་འགྲོགས་པའི་བ་དོའི་ལུས།།གོས་མེད་གཅེར་བུར་འགྲིམས་པའི་སྐྱོ་གར་ལ།།བརྩེ་སེམས་གོས་བཟང་སྐོན་པའི་བྱམས་ལྡན་སུ།།མེ་མདའི་བུ་ཡུག་འཚུབ་པའི་གཡུལ་ས་ན།།ཚེ་སྲོག་རླུང་གིས་བདས་པའི་ཉམས་ཐག་འབུམ།།ཟུངས་ཁྲག་ཡུར་ཆུ་འཐེན་པའི་གཤིན་ཐང་ནས།།བདག་མེད་བམ་རོས་ཁེངས་པར་སུ་ཡིས་གཟིགས།།ལས་དབང་སྔས་སུ་བྱས་པའི་ལྷོ་མཐའ་ནས།། མིག་ཆུས་གདོང་རིས་བརླན་པའི་ངུ་རྒྱངས་ཀྱིས།།བྱང་བརྒྱུད་ཁ་བས་གཡོག་པའི་དུར་ས་ན།།རྒྱང་རིང་མིག་གིས་ཅེར་བ་སུ་ཡིས་གཟིགས།།གཞན་གནོད་བཞི་ལས་ལྡོག་པའི་སྲིད་དོན་གྱིས།།ཐར་པའི་ཁང་བཟང་མཛེགས་པའི་ལམ་ཟུར་ནས།།ཕ་ས་དོན་དུ་གཉེར་བའི་རྨི་ལམ་ལ།།རེ་བའི་རྨི་ཐག་འཕྱངས་པ་སུ་ཡིས་གཅོད།།ཡར་གི་གསེར་གྱི་ཉི་མའི་འོད་སྣང་འོག།མར་གི་འདུ་ལོང་འཚུབ་པའི་ལྷིང་འཇགས་སྣེ།།རྟག་བརྟན་ཐེར་ཟུག་འཛིན་པའི་འཁྲུལ་སྣང་ལ།།མི་རྟག་སྒྱུ་མའི་རང་ངོ་སུ་ཡིས་སྤྲོད།།མི་ཡུལ་སྔས་སུ་བྱས་པའི་གྲུ་ཁ་ན།།མི་ལོ་ལྔ་བཅུ་ཟིན་པའི་མཇུག་སྣེ་ནས།།མི་ནུས་གདམ་བྱ་མང་བའི་མིག་འཁྲུལ་གྱིས།།བྱིས་པའི་སེམས་ཁམས་བསླུས་པ་སུ་ཡིས་དཀྲོགས།།དགྲ་ལ་ཞི་མོལ་རེ་བའི་འཛུམ་མདངས་ཕག།གཉེན་ལ་རྒྱུག་རྡུང་ཕོག་པའི་ན་ཚ་ཡིས།།ཀི་ཅོས་གནམ་ས་དབྲལ་བའི་ཁོར་ཡུག་ན།།གཉིས་ཕན་འབྲས་བཟང་སྨིན་པ་སུ་ཡིས་རེ།།ནམ་མཁའི་འཇའ་རིས་མིག་གི་ལྟད་མོར་མཛེས།།སྤྲང་པོའི་གླིང་བུ་ཕྱུག་པོའི་རྣ་བར་སྙན།།ཞི་བའི་ལྟ་གྲུབ་བྱིས་པའི་བུ་རམ་གྱིས།།བཀྲེས་ལྟོགས་སེལ་བའི་ལོག་རྟོག་སུ་ཡིས་བཟློག།ཕ་རྒན་བསད་ནས་ཞགས་གསུམ་མ་ལོན་གོང༌།།ཕ་མེད་དྭ་ཕུག་འཁྱམ་པོས་ཁ་བཏགས་སྣེ།།ཕ་བསད་དགྲ་བོའི་མགུལ་ལ་འཐེན་པ་འདི།།ཕ་བཟང་བུ་ཡི་གྲལ་གསེབ་སུ་ཡིས་བཞག།ཁ་འདི་འཕྲེད་དུ་ཕྱེས་པའི་རྟེན་འབྲེལ་གྱིས།།འཕྲེད་འཕྲེད་གཏམ་ལ་རྫོགས་མཐའ་མི་འདུག་པས།།སེམས་ཀྱི་ཁྱེའུ་ཆུང་ངུས་པའི་མིག་ཆུ་རིས།།འཕྲེད་དུ་འབབ་པའི་སྙན་ཚིག་འདི་ཉིད་སྤེལ།།
སྤྱི་ལོ་༢༠༠༨ཟླ་བ་༣ཚེས་༧ཉིན་བྲིས།

དྲན་པའི་སྐྱོ་གདུང༌།


འདས་པའི་ལོ་ཟླ་སྐད་གཅིག་སྐད་ཅིག་གིས་བུད་ཐལ།།ད་ལྟའི་ཉིན་ཞག་ག་ལེ་ག་ལེ་ལ་འགྲོ་གིན།།མ་འོངས་ནམ་ཟླ་རིམ་གྱིས་རིམ་གྱིས་རང་འཛད་ནས།།མི་རྟག་སྒྱུ་མའི་རང་གཤིས་མི་ཚེ་འདི་རྫོགས་འགྲོ།།ཆུང་དུས་རྩེད་ར་འགྲིམས་པའི་སྤྲོ་སྣང་དེ་མ་ཐོབ།།གཞོན་དུས་ཆུང་མ་བསུས་ནས་ཁྱིམ་གཞིས་ཀྱང་མ་བཟུང༌།།རྒས་དུས་རེ་ལྟོས་བཅོལ་ས་བུ་ཚ་ཞིག་མེད་པར།།མི་རྟག་སྒྱུ་མའི་ལུས་འདི་རྨི་ལམ་བཞིན་རྫོགས་སོང༌།།ཆུང་དུས་ཐོས་པ་བསགས་པའི་སློབ་སྦྱོང་གི་འབྲས་བུ།།སྒོམ་ནས་རྒྱུད་ལ་སྦྱར་བའི་ཉམས་ལེན་ཙམ་མེད་པར།།ཁ་བཤད་ཆུ་ཡི་ལྦུ་བས་དུས་ཚོད་ཀུན་བསྐྱལ་ནས།།མི་རྟག་སྒྱུ་མའི་ལུས་འདི་སྟོང་པ་རང་ཆགས་སོང༌།།སྐྱིད་པའི་ཕ་ཡུལ་སླེབས་པའི་སྐལ་བ་དེ་མེད་འདྲ།།དྲིན་ཅན་ཕ་མ་མཇལ་བའི་ལས་འཕྲོ་དེ་མི་འདུག།དྲན་གདུང་སེམས་ཀྱི་མིག་ཆུ་ཁོག་པ་ལ་གཞུར་ནས།།མི་ཚེ་ས་མཐར་བསྐྱལ་བའི་ལས་དབང་འདི་སྐྱོ་བ།།སྤུན་མཆེད་གཉེན་ཚན་དུ་མའི་ཞལ་པར་ཙམ་ཐོས་བྱུང༌།།སྐབས་འགར་པར་དང་བརྙན་ཕབ་ལྟད་མོ་ཙམ་མཐོང་ཡང༌།།ཕན་ཚུན་ལྷན་དུ་འཛོམས་པའི་གོ་སྐབས་དེ་བརླགས་ནས།།མི་ཚེ་ཕལ་ཆེར་མི་ཡུལ་ལུང་པ་ལ་རྫོགས་སོང༌།།སྐྱེས་ས་འཚར་ས་བསིལ་ལྡན་བོད་ལྗོངས་ལ་ཡིན་ཡང༌།།རྒ་ས་ཤི་ས་ལྷོ་མཐའི་ཚ་བ་ནང་ངེས་པས།།རྒྱུས་མེད་མི་ཡུལ་འཁྱམས་པའི་ཉམ་ཆུང་གི་གྲྭ་རྐྱང༌།།བསམ་ཞིང་བསམ་ཞིང་སེམས་སྡུག་ན་བུར་བཞིན་འཐུལ་སོང༌།།མི་བཟད་སྐྱོ་བའི་ཚོར་རླབས་སེམས་ཁོང་ནས་འཕྱུར་ཡང༌།།གདོང་གི་བཤུ་སྐོག་མཉེད་པའི་འཛུམ་ཀོང་འདི་བསྟན་བཞིན།།མི་ཚོགས་འདྲ་མིན་གསེབ་ཏུ་འགྲོ་ཁུལ་རང་བྱེད་པ།།འཇིག་རྟེན་མི་ལུས་ལེན་པའི་ཡ་ཚུལ་ཙམ་ལོས་ཡིན།།
༢༠༠༨.༥.༡༧ཉིན་དགེ་འོས་B.edའཛིན་གྲྭའི་ནང་གནན་ཐབས་མེད་པའི་སྐྱོ་སྣང་ཞིག་གིས་རྐྱེན་བྱས་ཏེ་དཀར་པང་ཐོག་ཐོལ་བྱུང་དུ་བྲིས།

Followers


དྲྭ་ཚིགས་བཟོ་བཀོད་པ་བསོད་ནམས་འོད་ཟེར།
Saturday, December 17, 2011
ཨ་འབྲུག་དཔའ་བའི་རྗེས་དྲན་ལ་ཕུལ་བའི་འཚམས་འཕྲིན།

བེ་རི་འཇིགས་མེད།

མེས་པོའི་དུར་ས་སྲུང་བའི་སོ་མཚམས་ན།།
ཟུངས་ཁྲག་ས་ལ་བསྟིམས་པའི་རྗེས་ཤུལ་ནས།།
རྣམ་ཤེས་སྟོང་གིས་ཕྱིར་མིག་ཅེར་བ་ཡི།།
འདས་སོང་དཔའ་བོའི་སྐྱོ་གར་སླར་ཡང་དྲན།།
མི་ཞིག་མི་ཡུལ་དུ་སྐྱེ་ནས་མི་ཚེ་རྒྱུན་རིམ་ལ་གོམ་པས་འཇལ་ནས་གཤེགས་དགོས་པ་ནི་ཆོས་ཉིད་ཀྱི་རང་བཞིན་ཡིན་པས། དེ་ལ་སུས་ཀྱང་བཟློག་ཏུ་མེད། མི་ཚེའི་མདུན་ལྗོངས་ལ་གོམ་པས་འཇལ་སྟངས་ཐད མི་འགའ་ཞིག་འཇམ་ཐིང་ངེར་སྐྱེས་ཤིང་འཇམ་ཐིང་ངེར་ཤི་འགྲོ་བ་ཡང་མི་ཞིག་གིས་མི་ཚེ་བསྐྱལ་སྟངས་ཀྱི་ཆ་ལག་གཅིག་ཡིན་ལ། མི་ལ་ལ་སྐྱེས་དུས་དར་འཕྱརདུང་འབུད། ས་རིམ་པ་གསུམ་སྒུལ། གནམ་རིམ་པ་གསུམ་གཡོ་ནའང་། འཆི་དུས་ཁྲ་རུ་གྱུར་པའི་དགུན་དུས་ཀྱི་ཁུ་བྱུག་བཞིན་འཇམ་ཅག་གེར་འགྲོ། མི་ཁ་ཅིག་ཁུ་སིམ་མེར་སྐྱེས་ཤིང་ལྷིང་འཇགས་སེར་གསོན།

རྩོམ་པ་པོ་ཕུར་བུ་ཚེ་རིང་ལ་ཕུལ་བའི་མགོ་གླེང་།

སྙན་ངག་པ་དང་སྙན་ངག་གི་ཆེ་བ་སྤྱི་བཤད།

རྟོག་པའི་རླུང་གིས་ཚོར་བའི་དྲིལ་ཆུང་ལ༎
བདས་པ་ཙམ་གྱིས་གནམ་ས་དབྲལ་བྱེད་པའི༎
ངག་རིག་འཕྲུལ་གྱི་སྒྲ་རླབས་ཆེས་གཡོ་བས༎
རྨོངས་པའི་གཉིད་ཀྱི་འཇིག་རྟེན་གཏོར་གྱུར་ཅིག༎
            འཇིག་རྟེན་ཧྲིལ་པོ་འདི་ཇི་ཙམ་ཆེ་ན་ཡང་། སྙན་ངག་པའི་རྟོག་འཆར་གྱིས་སྐྲུན་པའི་འཇིག་རྟེན་གྱི་གྲུ་ཟུར་ཆུང་ཆུང་ཞིག་གི་ཚོད་ལའང་བཞལ་བར་མི་ནུས་ལ། གནམ་སྔོན་པོ་འདི་ཇི་ཙམ་ཡངས་ནའང་སྙན་ངག་པའི་སྒྱུ་རྩལ་གྱི་གཤོག་ཟུང་བརྐྱངས་ན་བུ་གའི་ནམ་མཁའི་ཚད་ཙམ་ལས་མེད་ཅེས་བཤད་ན། ཚོར་བའི་ཟབ་མཚམས་ལ་སྒྱུ་རྩལ་གྱི་སྒོ་བྱང་བརྐོས་པ་མ་མྱོང་ཞིང་། ཉམས་འགྱུར་གྱི་ལང་ཚོ་བརྟས་པའི་སྙན་འཇེབས་ཀྱི་གླུ་སྒྲ་ཐོས་མྱོང་མེད་པའི་སྐྱེ་བོ་ཁྱུ་གཅིག་གི་རྣ་བའི་རྒྱ་སྒོ་ན་ཤོངས་ཐབས་མེད་པའི་ཕ་བང་ཞིག་སྒྲིལ་བ་དང་འདྲ་ལ། བྲང་སྲུབ་ན་དམར་ལྷེམ་མེར་འཁྱིལ་བའི་སྙིང་ཆུང་གི་རྒྱ་རྫོང་ན་ཁྲོ་ལྕགས་ལས་གྲུབ་པའི་འགད་རྫས་དོ་བོ་ཞིག་བཞག་པ་དང་མཚུངས།
Friday, November 11, 2011

རྗེས་འཇུག་ལ་མ་ལྟོས་པའི་ཕྲད་རང་དབང་ཅན་བཤད་པ།

            གཉིས་ པ་རྗེས་འཇུག་ལ་མ་ལྟོས་པའི་ཕྲད་རང་དབང་ཅན་བཤད་པ་ལ་དྲུག ནི་སྒྲ་བཤད་པ། དང་སྒྲ་བཤད་པ། དེ་སྒྲ་བཤད་པ། སྤྱི་སྒྲ་བཤད་པ། བདག་སྒྲ་བཤད་པ། དགག་སྒྲ་བཤད་པའོ། །དང་པོ་ལ་གཉིས། རྩ་བ་དང༌། འགྲེལ་པའོ། །
དང་པོ་ནི།          གང་མིང་མཐའ་དང་མཐུན་པ་ཡི། །
བཞི་པ་ལ་ནི་ཨི་སྦྱར་བ། །
དགར་དང་བརྣན་པའི་ཚིག་ཏུ་འགྱུར། །

སུམ་རྟགས་རྩ་འགྲེལ་ཀྱི་རྣམ་བཤད་ཐོན་མིའི་དགོངས་པ་རབ་ཏུ་གསལ་བའི་སྣང་བྱེད་དང་། སྙན་ངག་མེ་ལོང་གཞུང་གི་དགོངས་དོན་དབྱངས་ཅན་དགའ་སྐྱེད་ཅེས་བྱ་བ་བཞུགས་སོ་།




བཀྲས་ལྷུན་མཁན་ཆེན་དཀའ་ཆེན་བློ་བཟང་བཟོད་པས་མཛད་པ།

སྙན་ངག་ལེའུ་དང་པོ་ཐུན་མོང་མ་ཡིན་པའི་རྒྱན་གྱི་རྣམ་གཞག་ལ་ཅུང་ཟད་དཔྱད་པ།


_____བེ་རི་འཇིགས་མེད་དབང་རྒྱལ།

མཆོད་བརྗོད་དང་གླེང་གཞི།

ཆ་རྫོགས་ཟླ་བའི་དཀྱིལ་འཁོར་གསར་པ་ཡིས།།    
མཚོན་ནུས་མ་ཡིན་ངག་དབང་དབྱངས་ལྡན་ལྷ།།
རྗེས་བརྩེ་སྤྱན་གྱི་ཀྱོ་བས་ཟུར་མིག་བཅས།།    
རིག་པའི་ཁྱེའུ་དགའ་བའི་མགྲོན་དུ་བཞུགས།།
སྒྲུང་རྩོམ་གྱི་རྒྱུ་ཆ་འཚོལ་སྡུད་བྱེད་སྟངས་དང་འབྲི་ཐབས།

___བེ་རི་འཇིགས་མེད།
སྒྲུང་རྩོམ་གྱི་གོ་དོན་དང་རྣམ་གྲངས།

སྒྲུང་རྩོམ་ནི་གནའ་དེང་གང་དུའང་མེད་ཐབས་མེད་པའི་བོད་ཀྱི་རྩོམ་རིག་གི་ཆ་ལག་གལ་ཆེ་རང་བཞིན་ལྡན་པ་ཞིག་ཡིན་ལ། མི་རིགས་རང་ཉིད་ཀྱི་སྤྱི་ཚོགས་ཚོར་བ་མཚོན་པའི་སྒྱུ་རྩལ་གྱི་ལྷུ་ལག་མེད་ཐབས་མེད་པ་ཞིག་ཀྱང་ཡིན།
Tuesday, November 8, 2011
སྲོལ་རྒྱུན་རིག་གནས་དང་འབྲེལ་བའི་བསམ་ཚུལ་རགས་ཙམ་གླེང་བ། 

བེ་རི་འཇིགས་མེད།
སྔོན་དུ་བརྗོད་པ།

བྱང་རྒྱུད་མུན་པའི་དོ་ར་ན།།
ཉི་ཟླའི་འོད་སྣང་འདྲེན་མཛད་པ།།
སྔོན་བྱོན་དམ་པའི་སྐྱེ་བོ་རྣམས།།
འདྲེན་པའི་མགོན་དུ་སུ་ཡིས་བཤུངས།།
Monday, November 7, 2011

བོད་ཀྱི་བུད་མེད་ཀྱི་ལས་དབང༌།

བེ་རི་འཇིགས་མེད་དབང་རྒྱལ།

བྱུང་ཟིན་སྒྲུང་གི་གཏམ་རྒྱུད་རིང་པོ་ལས།།
འབྱུང་འགྱུར་རྡོག་སྣེ་འཚོལ་བ་གལ་ཆེ་བས།།
སུ་དང་གང་གི་རྣ་བའི་རྒྱ་སྒོ་ལ།།
འགྲོ་དང་མི་འགྲོ་ཅི་ཡང་འཆད་རིགས་སྙམ།།
Tuesday, April 26, 2011
༡༠༽ཡི་གེ་རང་བཞིན་བཤད་པ
 ཡི་གེ་རང་བཞིན་བཤད་པ་ལ། གནས་ཀྱི་ཡི་གེ་རྒྱས་པར་བཤད་པ་དང། རྩ་བའི་ཡི་གེ་རྒྱས་པར་བཤད་པའོ། །དང་པོ་ལ་ལྔ་སྟེ། འབྲས་བུའི་དབྱེ་བ། གྲངས་ཀྱི་དབྱེ་བ། གནས་ཀྱི་དབྱེ་བ། འདྲེན་པའི་དབྱེ་བ། འབྱིན་པའི་རྐྱེན་བཤད་པའོ། །
སྨྲ་སྒོ་མཚོན་ཆའི་འབྲུ་འགྲེལ་ཅུང་ཟད་གསལ་བ་བྱེད་པ།
སྨྲ་བ་ངག་གི་འཁོར་ལོས་ཤེས་བྱའི་ཁྱོན།།
དབང་བསྒྱུར་སྨྲ་བའི་རྒྱལ་པོའི་ཞབས་སེན་རྡུལ།།
དཔྲལ་བའི་ཐིག་ལེ་ཉིད་དུ་འཛིན་བྱེད་ན།།
སྨྲ་བྱེད་ངག་གི་རྩ་མདུད་གྲོལ་གྱུར་ཅིག།
Tuesday, February 22, 2011

གང་ཞིག་མཐོང་ཐོས་དྲན་པའི་མོད་ལ་ཡང༌།།
འདོད་རྒུའི་ཚིག་སྦྱོར་རྒྱ་མཚོ་སྨྲ་བའི་འདབ།།
ལྷུག་པར་གྲོལ་བའི་ལྷ་མཆོག་མཚོ་ལྡན་མ།།
ངག་རིག་རྒྱ་མཚོའི་རླབས་ཀྱི་ཤིས་པ་སྒྲུབས།།

_______བེ་རི་དགེ་བཤེས་འཇིགས་མེད་དབང་རྒྱལ།


སྔོན་དུ་གླེང་བའི་གཞི།
རྟོན་པ་བཞི་ལྡན་བདེ་བ་གཤེགས་པའི་བཀའ།།
སྡེ་སྣོད་གསུམ་དུ་བསྡུས་ནས་ངོ་སྤྲོད་ཙམ།།
ལུང་རིགས་གཉིས་ཀྱི་འཆད་ན་བརྩོན་ལྡན་འགས།།
བློ་རིག་གཅིག་ཏུ་སྒྲིམ་ནས་གསན་པར་འཚལ།།
དཔལ་མཉམ་མེད་རི་བོ་དགའ་ལྡན་པའི་ལུགས་བཟང་ཇི་ལྟར་བྱུང་ཚུལ་རགས་ཙམ་གླེང་པ།

ན་མོ་གུ་རུ་མཉྫུ་གྷོ་ཥཱ་ཡ།
              རྒྱལ་ཀུན་གསང་གསུམ་གཅིག་བསྡུས་མྀ་ཡི་གར།།
              འཇམ་མགོན་རྒྱལ་བ་གཉིས་པར་གུས་བཏུད་ནས།།
              བསྟན་པའི་སྙིང་པོ་ཞྭ་སེར་རིང་ལུགས་པའི།།
              ཆོས་ཚུལ་བྱུང་བ་རགས་ཙམ་གླེང་པར་སྤྲོ།།
Monday, January 31, 2011
ཧྥ་རེ་སི་གྲོས་ཚོགས་གོང་མའི་ཚོགས་ཁང་ནང་གི་མཐོང་ཐོས།

གཡུང་དྲུང་ལྷ་མི་དམུ་ཐག་མ་རྒྱུད་པར།
རིམ་པ་བཅུ་གསུམ་ལྷ་ཡུལ་མ་བརྒལ་བར།
སུམ་ཅུ་རྩ་གསུམ་ཞིང་དུ་སླེབས་པ་ཡི།
ཚོར་བའི་རླབས་རིས་འབར་བའི་ཞིང་ཁམས་འགྲིམས།
         
བྲམ་ཟེ་རྒན་པོའི་བློས་བསླང་མངོན་སུམ་དུ། 
ཤར་བ་ལས་ལྷག་མིག་གི་གཟི་ལེན་དཔལ།
ཧྥ་རེ་སི་ཡི་རྒྱལ་མོའི་ཕོ་བྲང་ཆེ།
དེ་རིང་ཁྲ་ཆུང་མིག་གི་སྤྱད་ཡུལ་གྱུར།
གསེར་མདོག་གི་ཉི་འོད།

ཉི་ཟླ་སྐར་གསུམ་འདྲ་བའི་མེས་དབོན་གསུམ།།
དམུ་ཐག་བརྒྱུད་ནས་མི་མངོན་དབྱིངས་སུ་བསྐྱོད།།
གངས་རིའི་མུན་སེལ་སྒྲ་བསྒྱུར་ལོ་པཎ་ཚོ།།
མི་མངོན་བདེ་ཆེན་དག་པའི་ཞིང་དུ་གཤེགས།།

རྒྱལ་བློན་ནང་འཁྲུག་བརྒྱབ་པའི་གཡུལ་ས་ནས།།
བཙན་པོའི་གདུང་བརྒྱུད་ཉག་ཕྲན་རྩེ་ནས་ཡལ།།
Sunday, January 30, 2011
ཤེས་རབ་ཀྱི་ནམ་མཁར་ཕྱོགས་པ།
ཐུགས་བསྐྱེད་རླུང་གིས་བསྐུལ་བའི་འུར་གྱིས་མི་མངོན་གནམ་གྱི་མཐོངས་ན་ལྡིང།།
གནམ་གྱི་དགུ་ཚིགས་ཚལ་བར་གཤགས་ཏེ་ཟླ་བའི་གོ་ལའི་འཇིངས་ན་རྩེན།།
བྱམས་བརྩེ་དཀྱིལ་འཁོར་ཟླུམ་པོའི་གུར་དུ་དཀར་གསལ་འོད་རིས་འཁྱིལ་བའི་ཀློང་།།
གཞན་ཕན་སྤྱན་གྱི་དོན་ཡོད་ཞགས་པས་གོ་ལའི་ཁྱོན་འདི་འཆིངས་བཞིན་འགྱིང་།། 
འཚེ་མེད་ཐབས་འཕྲུལ་འཐོར་རླུང་འཚུབ་མས་སྤྲིན་དང་སྨུག་པ་དབྱིངས་ནས་དབྲལ།།
ཞི་བདེའི་འོད་ཀྱི་ཞུན་ཐིགས་བསིལ་མས་གོ་ལ་ཟླུམ་པོའི་མེ་དྲོད་བཅིལ།།
འདྲ་མཉམ་གཉིས་ཕན་རླབས་ཆེན་མཛད་པས་རེ་དོགས་མུན་པའི་གྲོང་ཁྱེར་འཇོམས།།
ལེགས་ཉེས་འབྱེད་པའི་ཤེས་རབ་རླབས་ལྡན་མུ་མེད་རྒྱ་མཚོ་མཁའ་ལ་འཕྱུར།།

སུ་དང་གང་གི་བསམ་པའི་ར་བར་བཙན་གྱིས་བརྫངས་ཀྱང་མི་ཤོངས་པའི།།
བྱམས་བརྩེ་མཁྱེན་རབ་འཇུག་པའི་ཁོ་ལག་གསེར་གྱི་ལྷུན་པོའི་གཏོས་ལྟར་མཐོ།།
གཞན་ཕན་མཛད་བཟང་འཕྲིན་ལས་བཟང་པོ་མི་མངོན་གནམ་གྱི་མཐོངས་ལྟར་ཡངས།།
བླ་ན་མེད་པའི་ཡ་མཚན་འབུམ་ལྡན་སྐྱེས་ཆེན་ཁྱོད་ཉིད་ནམ་ཡང་དྲན།།

དེ་རིང་བཀྲ་ཤིས་ལྷ་ཉིན་དཀར་མོ་གོ་ལའི་ཁྱོན་ལ་འཆར་བའི་དུས།།
སྨྲ་བ་ངག་ལ་སྒོ་ལྕགས་ཐེབས་པའི་གཞིས་བཞུགས་བོད་རིགས་འབུམ་ཕྲག་བརྒྱའི།།
སྒོ་གསུམ་མཚོན་པའི་སྐུ་ཚབ་ཟོལ་གྱིས་ཁྱོད་ལ་བསྟོད་པའི་དབྱངས་སྙན་འདིས།།
མཆོད་སྤྲིན་རྒྱ་མཚོའི་རླབས་དང་འགྲོགས་ནས་ཐུགས་ཀྱི་དགོངས་པར་སིམ་གྱུར་ཅིག།
༢༠༠༩།༡༢།༡༠།ཉིན་ནོར་གླིང་མཐོ་སློབ་ཁང་དུ་ཐོལ་བྱུང་དུ་བྲིས་ཤིང་གྱེར་འདོན་བྱས།

འདོན་སྤེལ།: ༢༠༠༩/༡༢/༡༠
Friday, January 21, 2011
རྨས་སྐྱོན་ཤོར་བའི་སེམས་མགུར།


ཆར་པ་ཟིལ་ཟིལ་འབབ་བྱུང་།།
ཉི་འོད་ལྷེབ་ལྷེབ་འཚེར་བྱུང་།།
ཆར་དང་ཉི་ཟེར་བར་ནས།།
སྣ་ལྔའི་འཇའ་རིས་མཛེས་པ།།

 
དུངས་པའི་ཁ་ཆེམས།
T.K. ལ་བཞག་པའི་དྲན་རྟེན།

གཟུགས་པོ་ཝཱ་ཎ་ལ་སླེབསཀྱང༌།།
སེམས་པ་གངས་སྐྱིད་ལ་ལུས་སོང༌།།
ལུས་སེམས་ཡ་བྲལ་དུ་གཏོང་མཁན།།
ཡིད་འོངས་སྙིང་སྡུག་གི་ན་ཆུང༌།།
Friday, January 14, 2011
མཛོད་སྒྲ་འགྲེལ་གྱི་མཛད་པ་པོ་དྲན་པ་ནམ་མཁའི་སྐོར་ལ་དཔྱད་པའི་གཏམ་།(2)

ཨཱཅརྱ་གཟི་གཡང༌།
ཝཱ་ར་ཎ་སིའི་མཐོ་སློབ།
ལྔ་པ། པད་མ་འབྱུང་གནས་དེ་ཉིད་དྲན་པའི་སྲས་ཡིན་མིན་གྱི་སྐོར།
          བོན་གཞུང་རྣམས་སུ་པད་མ་འབྱུང་གནས་ཞེས་པ་དང་གཡུང་དྲུང་མཐོང་གྲོལ་ཞེས་པ་གཉིས་གང་ཟག་གཅིག་ཡིན་ཚུལ་དང༌། དེ་ཉིད་དྲན་པ་ནམ་མཁའི་སྲས་ཡིན་ཚུལ་གྱི་ལོ་རྒྱུས་སོགས་གང་མང་ཞིག་མཇལ་རྒྱུ་ཡོད་མོད། འོན་ཀྱང་དེ་དག་ལ་བདེན་ཁ་ཅི་ཙམ་ཡོད་མེད་ནི་འདིར་སྨྲ་བར་མི་ནུས་པས། རང་རང་སོ་སོའི་འདོད་ཚུལ་ངོ་བོ་གཅིག་དང་ཐ་དད་གང་ཡིན་ཞིབ་ཚགས་ཀྱི་ཚུལ་དུ་བོན་ཆོས་སོ་སོའི་ལུང་ཁུངས་ལ་གཞི་བཅོལ་བར་བྱ་སྟེ།  

མཛོད་སྒྲ་འགྲེལ་གྱི་མཛད་པ་པོ་དྲན་པ་ནམ་མཁའི་སྐོར་ལ་དཔྱད་པའི་གཏམ།
ཨཱཅརྱ་གཟི་གཡང༌།
ཝཱ་ར་ཎ་སིའི་མཐོ་སློབ།
          དྲན་པ་ནམ་མཁའི་སྐོར་ལ་དཔྱད་ཞིབ་བྱེད་པ་ནི་མུན་ནག་ནང་དུ་དངོས་རྫས་ནག་པོ་འཚོལ་བ་དང་གཅིག་མཚུངས་སུ་སྣང༌། བོན་གྱི་ལོ་རྒྱུས་ཕལ་མོ་ཆེ་དང་རྡོ་རྗེ་གླིང་པའི་གཏེར་མ་བོན་ཆོས་རྣམ་དབྱེ་སོགས་ལས་དྲན་པ་ནམ་མཁའ་ནི་པད་མ་འབྱུང་གནས་ཀྱི་ཡབ་ཏུ་ངོས་འཛིན་གནང་ཡོད། འོན་ཀྱང༌། རྒྱལ་རབས་མང་པོ་ཞིག་ལས་ཡང་སྙིང་དྲན་པ་ནམ་མཁའ་ཞེས་པའི་གང་ཟག་གཅིག་གམ་གཉིས་གསུམ་སོགས་ཇི་ཙམ་ཡོད་མེད་ངོས་འཛིན་གྱི་གསལ་ཁ་དེ་ཙམ་མེད་པས། གྲི་གུམ་དང༌། སྤུ་ལྡེ་གུང་རྒྱལ། རྒྱལ་ཁྲི་རྗེ་ཐོག་བཙན། སྲོང་བཙན་སྒམ་པོ། ཁྲི་སྲོང་སོགས་ཀྱི་སྐབས་སུ་སོ་སོར་ཡོད་ཚུལ་གྱི་ལོ་རྒྱུས་འཁྲུགས་ཉེན་ཅན་ཡང་མང་ཙམ་སྣང༌།

མཛོད་སྒྲ་འགྲེལ་གྱི་མཛད་པ་པོ་དྲན་པ་ནམ་མཁའི་སྐོར་ལ་དཔྱད་པའི་གཏམ།
ཨཱཅརྱ་གཟི་གཡང༌།
ཝཱ་ར་ཎ་སིའི་མཐོ་སློབ།
          དྲན་པ་ནམ་མཁའི་སྐོར་ལ་དཔྱད་ཞིབ་བྱེད་པ་ནི་མུན་ནག་ནང་དུ་དངོས་རྫས་ནག་པོ་འཚོལ་བ་དང་གཅིག་མཚུངས་སུ་སྣང༌། བོན་གྱི་ལོ་རྒྱུས་ཕལ་མོ་ཆེ་དང་རྡོ་རྗེ་གླིང་པའི་གཏེར་མ་བོན་ཆོས་རྣམ་དབྱེ་སོགས་ལས་དྲན་པ་ནམ་མཁའ་ནི་པད་མ་འབྱུང་གནས་ཀྱི་ཡབ་ཏུ་ངོས་འཛིན་གནང་ཡོད། འོན་ཀྱང༌། རྒྱལ་རབས་མང་པོ་ཞིག་ལས་ཡང་སྙིང་དྲན་པ་ནམ་མཁའ་ཞེས་པའི་གང་ཟག་གཅིག་གམ་གཉིས་གསུམ་སོགས་ཇི་ཙམ་ཡོད་མེད་ངོས་འཛིན་གྱི་གསལ་ཁ་དེ་ཙམ་མེད་པས། གྲི་གུམ་དང༌། སྤུ་ལྡེ་གུང་རྒྱལ། རྒྱལ་ཁྲི་རྗེ་ཐོག་བཙན། སྲོང་བཙན་སྒམ་པོ། ཁྲི་སྲོང་སོགས་ཀྱི་སྐབས་སུ་སོ་སོར་ཡོད་ཚུལ་གྱི་ལོ་རྒྱུས་འཁྲུགས་ཉེན་ཅན་ཡང་མང་ཙམ་སྣང༌།
Monday, January 10, 2011
པཎ་ཆེན་ཆོས་ཀྱི་རྒྱལ་མཚན་ལ་ཕུལ་བའི་རྗེས་དྲན།
གསུང་སྙན་བྱེའིུ་འགྱུར་ཁུག་དང་འགྲོགས་པའི།།
གཡུ་ལོས་མཛེས་པའི་ནགས་ཀླུང་ཉམས་དགའ་བར།།
བག་ཕེབས་རྩེ་འཇོ་རོལ་བ་ལོས་སྐྱིད་ཀྱང༌།།
སེམས་ཀྱི་རྨ་ཁའི་ནད་ལ་ཅི་ཞིག་ཕན།།

ཟླ་འོད་སབ་སིབ་འཐོར་བའི་མཚན་ལྗོངས་ལ།།
ཤང་ཤང་ཆུ་འགྲམ་འཁྱོགས་པའི་ལམ་སྣེ་བཟུང༌།།
སེམས་ཀྱི་མཚོ་རླབས་གཡོ་བའི་འཕྱོ་སྒྲ་ཡིས།།
ཟུར་གསུམ་སྙིང་གི་ཁྲག་རྩ་འགད་ལ་ཁད།།
འཚུབ་མའི་རླུང་གིས་བདས་པའི་སྒེའུ་ཁུངས་ཀྱི།།
Sunday, January 9, 2011
གསེར་མདོག་གི་ཉི་འོད།
ཉི་ཟླ་སྐར་གསུམ་འདྲ་བའི་མེས་དབོན་གསུམ།།
དམུ་ཐག་བརྒྱུད་ནས་མི་མངོན་དབྱིངས་སུ་བསྐྱོད།།
གངས་རིའི་མུན་སེལ་སྒྲ་བསྒྱུར་ལོ་པཎ་ཚོ།།
མི་མངོན་བདེ་ཆེན་དག་པའི་ཞིང་དུ་གཤེགས།།
Saturday, January 8, 2011
གཉིས་པ་བརྡ་སྤྲོད་ཀྱི་གཞུང་ལས་འབྱུང་བའི་དུས་གསུམ་བཤད་པ།
          གཉིས་པ་བརྡ་སྤྲོད་ཀྱི་གཞུང་ལས་འབྱུང་བའི་དུས་གསུམ་བཤད་པ་ལ།
༡༽ སྤྱི་ལྡོག་རགས་པའི་དབང་དུ་བྱས་པའི་དུས་གསུམ་གྱི་གོ་བ་བཤད་པ།
༢༽ བྱེད་པ་པོ་ལ་ཡོད་པའི་ལས་ཀྱི་དུས་གསུམ་བཤད་པ། ༣༽ བྱ་བ་ཡུལ་ལ་ཡོད་པའི་ལས་ཀྱི་དུས་གསུམ་བཤད་པ། ༤༽ དེ་དག་གི་ཁྱད་པར་དུ་མ་བྱས་པའི་དུས་གསུམ་བཤད་པ། ༥༽ བྱེད་པོ་དང་མ་འབྲེལ་བའི་ལས་ཀྱི་དུས་གསུམ་བཤད་པ། ༦༽ དུས་གསུམ་གྱི་དབྱེ་བ་རྒྱས་པ་བཤད་པ། ༧༽ བརྗོད་བྱ་དོན་གྱི་དུས་གསུམ་བཤད་པ། ༨༽ རྗོད་བྱེད་ཚིག་གི་དུས་གསུམ་བཤད་པ། ༩༽ དུས་གསུམ་གྱི་དབྱེ་བ་ཕྱེ་བའི་དགོས་པ་བཤད་པ་སྟེ་དགུ་ཡོད་དོ།།
བཞི་པ་དུས་གསུམ་གྱི་རྣམ་གཞག་ལ་ཅུང་ཟད་དཔྱོད་པ།
          བཞི་པ་དུས་གསུམ་གྱི་རྣམ་གཞག་ལ་ཅུང་ཟད་དཔྱོད་པ་ལ་གཉིས། གསུང་རབ་ལས་བཤད་པའི་དུས་གསུམ་དང༌། བརྡ་སྤྲོད་པའི་གཞུང་ལས་འབྱུང་བའི་དུས་གསུམ་བཤད་པའོ།
དང་པོ་གསུང་རབ་ལས་བཤད་པའི་དུས་གསུམ།
          དང་པོ་གསུང་རབ་ལས་བཤད་པའི་དུས་གསུམ་གྱི་དབྱེ་གཞི་ནི་འདུས་བྱས་ཁོ་ན་ལ་འཇོག་པ་གྲུབ་མཐའ་ཀུན་མཐུན་ཞིང༌། ནང་གསེས་ཀྱིས་ཕྱེ་ན། བྱེ་བྲག་ཏུ་སྨྲ་བ་རྣམས་ཀྱིས་བུམ་པ་བུམ་པའི་འདས་པའི་དུས་ནའང་ཡོད། དེའི་མ་འོངས་དང་ད་ལྟ་བ་བཅས་གསུམ་ཀའི་དུས་ན་ཡོད་པ་འདོད་དོ། །དེ་ཡང་ཅུང་ཟད་ཞིབ་མོའི་ལུགས་སུ་བྱས་ན། ཆོས་མངོན་པ་མཛོད་ལས།